Shvetsııada ushaq qulap, toǵyz adam mert boldy
EREBRÝ. QazAqparat – Beısenbi kúni Shvetsııanyń Erebrý qalasynda ushaq qulap, saldarynan borttaǵy toǵyz adamnyń barlyǵy qaza tapty, dep habarlaıdy QazAqparat Aftonbladet gazetine silteme jasap.
Polıtsııa buǵan deıin birneshe adamnyń qaza tapqany týraly habarlaǵan bolatyn. Basylymnyń málimetinshe, ushaq ushý-qoný jolaǵynan birneshe júz metr qashyqtyqta qulap, janǵan. Bortta segiz parashıýtshi men ushqysh bolǵan. Quqyq qorǵaý organdarynyń qyzmetkerleri parashıýtshiler men ushqyshtyń ólimi qandaı jaǵdaıda bolǵanyn naqtylaǵan joq.
