Shvetsııada turǵyn úıde jarylys bolyp, 25 adam aýrýhanaǵa jetkizildi

STOKGOLЬM. QazAqparat – Búgin tańerteń Shvetsııanyń Geteborg qalasyndaǵy turǵynúıde bolǵan jarylys saldarynan 25-ke jýyq adam aýrýhanaǵa jetizildi, dep habarlaıdy QazAqparat Reuters aqparat agenttigine silteme jasap

Oqıǵa ornynda polıtsııa qyzmetkerleri jumys isteýde. Salgrensk ýnıversıtettik aýrýhanasynyń taratqan habarlamasyna sáıkes, zardap shekken úsh áıel aýyr jaraqat alǵan.

Oqıǵa ornynda evakýatsııalaý jáne órtpen kúres júrgizý úshin apattyq-qutqarý qyzmetteri jumyldyrylǵan.

Jarylystan birneshe páter men baspaldaq búlingeni aıtylady. Qazirgi kezde jarylys sebepteri naqtylanýda.

Jarylys pen órtke jaqyn aýmaqtardaǵy birneshe júzdegen adam evakýatsııalanǵan.

Jarylystyń naqty sebebi ázirge belgisiz. Alaıda elde jarylǵysh zattar men qarý qoldanyp júrgen túrli qylmystyq toptardyń kóbeıip jatqany habarlanyp otyr.