Shvetsııada tek muzdan jasalǵan aspaptarmen oryndalatyn kontsert ótedi
ASTANA. 13 jeltoqsan. QazAqparat - Entýzıastar toby Shvetsııanyń soltústigindegi Lýleo qalasynda ózgeshe mýzykalyq baǵdarlama daıyndap jatyr.
Ol shyǵarmalardyń muzdan jasalǵan aspaptar arqyly oryndalýymen erekshelenbek.
Qazir qurylys jumystary júrgizilýde. Dóńgelek kúmbez tárizdes bul oryn 160 kórermenge arnalǵan. Sondaı-aq, birneshe mýzykalyq aspaptar daıyndalyp jatyr. Olar úsh aı boıy oınalatyn bolady.
«Mundaǵy qolaıly temperatýra mınýs bes gradýs. Eger qatty sýyq bolsa, aspaptar synýy múmkin. Al eger tym jyly bolsa, erip ketýi yqtımal», - deıdi «Aıs Mıýzık» jobasynyń ókili Karın Oberg.
Bul jobanyń jetekshisi - Tım Lınhart. Ol muzdan músin jasaýmen 30 jylǵa jýyq aınalysyp keledi. Onyń oıynsha, atalmysh kontsert osy jyldyń jaýharyna aınalýy kerek.
Orkestr tek ishekti mýzykalyq aspaptardan turady. Olarǵa baraban men ksılofon qosylǵan.
Al, repertýarǵa folklorlyq shyǵarmalarmen birge, zamanaýı mýzyka da engen.
Bul shoý 28 jeltoqsan kúni bastalyp, 6 sáýirge deıin jalǵasady.
