Shvetsııada shııtterdiń iri meshitin órtep jiberdi
ASTANA. QazAqparat - Shvetsııada Stokgolm mańyndaǵy Ierfellada ornalasqan shııttik iri Imam Alı meshitinde ótken túnde órt boldy. Bul týraly SVT telearnasy habarlady.
«Ǵımarattyń syrtynan ádeıi órtegen»,-dep atap ótti astanalyq polıtsııanyń baspasózben baılanys jónindegi jaýapty qyzmetkeri Lars Bıýstr.
Tilsiz jaýdy aýyzdyqtaýǵa birneshe órt sóndirý bólimshesi tartyldy. Bir qýanarlyǵy, oqys oqıǵadan eshkim zardap shekpegen.
Meshit ókilderiniń aqparatyna qaraǵanda, nysannyń 30-50% zaqymdanǵan. Mundaǵy kitaphanada 3 myńnan astam kitap bar. Ázirge olardyń qanshasy órtengeni belgisiz bolyp otyr.
Josparǵa sáıkes 1 mamyrda meshitte 80 bala sabaq oqýy tıis edi. Endi bul sharany keıinge qaldyrýǵa týra keledi.
Bolǵan oqıǵa jaıly polıtsııaǵa habar berildi.
