Shvetsııada satýshysy joq dúken ashyldy
ASTANA. QazAqparat - Vıken qalashyǵynda shved kásipker Robert Ilıason satýshysy jáne kassalyq apparaty joq táýlik boıy jumys isteıtin dúken ashyldy. Bul týraly Associated Press agenttigi habarlaıdy.
Roberttiń basyna osyndaı dúken ashý týraly oı, ol balasyna tún ishinde tamaq satyp ala almaǵanda kelipti. Óıtkeni mańaıdaǵy dúkender jabylyp qalǵan, al eń jaqyn sýpermarketke barýǵa 20 mınýt ýaqyt kerek eken.
Qańtarda Ilıason táýlik boıy isteıtin óziniń azyq-túlik jáne jas balalarǵa qajetti taýarlar satatyn dúkenin ashqan. Dúkenge tek uıaly telefondaǵy qosymsha arqyly kirýge bolady. Paıdalanýshylar taýarlardyń shtrıh-kodtaryn qosymsha arqyly skanerlereı otyryp saýda jasaıdy. Satyp alýshyǵa eseptesý qaǵazy aıdyń sońynda bir ret qana jiberiledi. Dúkende dári-dármek pen temeki satylmaıdy, sondaı-aq Shvetsııada azyq-túlik dúkeninde ishimdik satýǵa tyıym salynǵan.
Dúkenniń aýmaǵy - shamamen 45 sharshy metr. Onda alty beınebaqylaý kamerasy ornatylǵan. Eger esikti bireý segiz sekýndtan artyq ashyp tursa, nemese ony buzýǵa árekettense dúken ıesine SMS habarlama keledi. «Men jaqyn jerde turamyn, birdeńe bola qalsa qysqa súımendi alyp jetip kelemin», - dep kúledi ol. Ázirge ondaı oqıǵa bolmaǵan eken.
Robert Ilıason óz bastamasyn kentter men shaǵyn qalashyqtarǵa taratýdy oılap otyr.
