Shvetsııada parlament saılaýy ótip jatyr
BRıÝSSELЬ. QazAqparat – Búgin Shvetsııada parlamenttik saılaý ótip jatyr. Onda el azamattary bir palataly Rıksdagtyń 349 depýtatyn saılaıdy, dep habarlaıdy QazAqparattyń menshikti tilshisi.
Rıksdag músheleri proportsıonaldy júıe boıynsha tórt jylǵa saılanady.
Shvetsııa aýmaǵy Rıksdagtyń 310 mandaty bekitilgen saılaý okrýgterine bólinedi. Qalǵan 39 mandat – «teńestirýshi», ol búkil el boıynsha daýys berýdiń jalpy nátıjeleri boıynsha toltyrylady.
Parlamentke ótý úshin partııa parlamenttik saılaýda kem degende 4% daýys jınaýy kerek. Qazirgi saılaýǵa deıin parlamentte myna partııalar usynyldy: Ortalyq partııasy – 31-oryn (8,61%); Hrıstıan demokrattary – 22-oryn (6,32%); Lıberaldy partııa – 20-oryn (5,49%); Jasyldar partııasy – 16-oryn (4,41%); Qalypty koalıtsııalyq partııa – 70-oryn (19,84%); Sotsıal-demokratııalyq jumysshylar partııasy – 100-oryn (28,26%); Shved demokrattary – 62-oryn (17,53%); Solshyl partııa – 28-oryn (8,00%).
Premer-mınıstr Magdalena Anderssonnyń solshyl ortalyq Sotsıal-demokratııalyq jumysshy partııasy osy saılaýda Qalypty koalıtsııalyq partııasyndaǵy konservatorlaryna, sondaı-aq kóterilip kele jatqan «Shved demokrattary» qlzǵalysyna qarsy tur.
Qazirgi saýalnamalar boıynsha, shamamen 30% daýyspen sotsıal-demokrattar partııasy birinshi orynda, odan keıingi oryndarda shved demokrattary shamamen 20% jáne Qalypty koalıtsııalyq partııa 17% daýyspen tur.
