Shvetsııada Nobel syılyǵy ıegerleriniń esimderi jarııalanady
ASTANA. QazAqparat - 114-shi Nobel aptalyǵy Shvetsııada fızıologııa jáne medıtsına salasyndaǵy laýreattyń esimin ataýmen ashylady. Taıaý kúnderi basqa atalymdardaǵy syılyq ıegerleriniń esimderi belgili bolady, dep habarlaıdy TASS.
Osylaısha, 6 qazan kúni Shvetsııa astanasynda - fızıka, 7 qazanda - hımııa salasy boıynsha Nobel komıtetiniń sheshimderi jarııalanady. 9 qazan kúni Osloda álem syılyǵynyń laýreaty belgili bolady. Shvetsııa Memlekettik bankiniń 1968 jyly bekitken «Ekonomıka salasyndaǵy Nobel syılyǵynyń» ıegeri dúısenbi, 12 qazan kúni anyqtalady. Shvetsııa akademııasynyń ádebıet salasyndaǵy syılyqty berý sheshimin qabyldaıtyn Nobel komıteti ony tabystaıtyn kúnin ataǵan joq, biraq dástúr boıynsha bul qazan aıynyń beısenbileriniń birinde ótedi.
Qaldyrǵan ósıetnamasynda Alfred Nobel fızıologııa jáne medıtsına salasyndaǵy laýreatty tańdaýdy 1810 jyly negizi qalanyp, álemdegi jetekshi bilim berý jáne ǵylymı ortalyqtardyń birine aınalǵan Stokgolmdegi Karolına ınstıtýtyna tapsyrdy. Onyń janynda qurylǵan Nobel komıteti turaqty bes músheden turady.
