Shvetsııada Nobel aptalyǵy bastalady
ASTANA. 7 qazan. QazAqparat - Búgin Shvetsııa astanasynda Nobel aptalyǵy bastalady, onyń barysynda álemge fızıologııa jáne medıtsına, fızıka jáne hımııa, beıbitshilik jáne ekonomıka salasyndaǵy Nobel syılyǵy jańa laýreattarynyń esimderi belgili bolady, dep habarlady "Vneshneekonomıcheskıe svıazı" jýrnalynyń resmı saıty.
Nobel aptalyǵynyń alǵashqy úsh kúni jaratylystaný ǵylymdaryna arnalmaq. Al medıtsına jáne fızıologııa salasyndaǵy laýreattar búgin belgili bolady. Birqatar DNK zertteýlerin júrgizgen Ierýsalımdegi Evreı ýnıversıtetiniń ǵalymdary osy mártebeli syılyqqa ıe bolady dep kútilýde.
8 qazanda seısenbi kúni fızıka boıynsha Nobel syılyǵynyń laýreattary atalady. Úmitkerler arasynda shotlandııalyq fızık Pıter Hıggs bar. Hımııa salasyndaǵy laýreattar arasynda Reseıden shyqqan Valerıı Fokın bolýy múmkin degen boljam bar.
