Shvetsııada meshitti órtegen er adam úsh jylǵa bas bostandyǵynan aıyryldy
ASTANA. QazAqparat - Shvetsııanyń ońtústik-batysynda er adam meshitti órtep jibergeni úshin úsh jylǵa bas bostandyǵynan aıyrý jazasyna kesildi, dep habarlady sársenbi kúni batys BAQ-tary.
«17 qańtarda tańerteń Andreas Persson Býros qalasynda bankige toltyra janarmaı quıyp, ony qalalyq meshitti órteý úshin paıdalandy», - delingen sot qaýlysynda.
Órt sóndirýshiler jalyndy tez sóndirdi, alaıda meshit ǵımaraty qatty búlindi, endi onda jazǵa deıin jóndeý jumystary júrgiziledi.
Tergeý Perssonnyń buǵan deıin birneshe aı buryn esirtkiniń zańsyz aınalymy men urlyq jasaǵany úshin jaýapkershilikke tartylǵanyn anyqtady.
