Shvetsııada koroldik otbasynyń asa baǵaly zattaryn urlap ketti
ASTANA. QazAqparat - Shvetsııa polıtsııasy seısenbi kúni keshkisin Strengnes soborynda koroldik otbasynyń asa baǵaly zattary urlanǵan, dep habarlaıdy QazAqparat Time-ǵa silteme jasap.
Urlanǵan zattardyń arasynda korol IX Karl men onyń jubaıy Krıstınanyń táji bolǵan.
Polıtsııanyń deregi boıynsha, urlyqshylar Stokgolmnyń batysynda ornalasqan soborǵa baılanǵan motorly qaıyqpen jasyrynǵan. Polıtsııa qaıyqpen jáne tikushaqpen kúdiktilerdi izdestirip jatyr.
«Biz qazir jerdiń betinen de, sýda da, aýada da izdeýdemiz», - dep málimdedi polıtsııa ókili.
Urlanǵan zattar 1611 jyly jasalǵan, delingen Shvetsııa polıtsııasynyń baspasóz habarlamasynda. Koroldik baǵaly zattar alǵashqyda Karl jáne Krıstınamen birge jerlengen edi, biraq keıin qazyp alynyp, soborǵa qoıyldy, dep habarlady Sydney Morning Herald.
Qaskúnemder jasyrynǵan motorly qaıyq shaǵyn kólemde bolǵan.
Ázirge eshkim tutqyndalǵan joq.
