Shvetsııada qazaq kınolary kórsetildi
STOKGOLЬM. QazAqparat - «Qazaqfılm» kınostýdııasy Shvetsııa Koroldigindegi Qazaqstan Respýblıkasynyń elshiligi jáne «Shvetsııadaǵy Qazaqstan jastary» uıymymen birlese otyryp, Stokgolmde 28 tamyz ben 1 qyrkúıek aralyǵynda Qazaq kınosynyń festıvalin ótkizdi, dep habarlaıdy QazAqparat.
«Qazaqfılm» kınostýdııasynyń habarlaýynsh a, atalǵan mádenı is-shara Aqan Sataevtyń «Anaǵa aparar jol» fılmimen ashylǵan. Bul tarıhı kınotýyndyny kórermenderge fılmde basty róldi somdaǵan aktrısa Altynaı Nógerbek tanystyrdy.
Sonymen qatar, festıval barysynda Bolat Qalymbetovtyń «Talan», Turdybek Maıdan jáne Tilek Tóleýǵazy túsirgen «Muzbalaq» anımatsııalyq fılmi, Baqyt Qaıyrbekovtyń «Qutyda janǵan alaý» derekti fılmi, Erlan Nurmuhambetovtiń «Jańǵaq tal», Farhat Sháripovtyń «Tulǵalyq ósý trenıngi», Ádilhan Erjanovtyń «Tún qudaıy» jáne Rústem Ábdirashevtiń «Qazaq handyǵy. Almas qylysh» fılmderi kórsetildi.
Shvetsııanyń kórermenderine otandyq týyndylardy «Qazaqfılm» kınostýdııasynyń resmı ókili, prodıýser Dıana Áshimova tanystyrdy.
Aıta ketsek, fılmderdiń barlyǵy tegin kórsetildi.
Eske sala ketsek, kommertsııalyq emes «Shvetsııadaǵy Qazaqstan jastary» uıymynyń basty maqsaty – eki eldiń dostyǵy men tyǵyz baılanystaryn nyǵaıtý, sondaı-aq Shvetsııa men Qazaqstan jastarynyń arasynda mádenı dıalog ornalastyryp, tájirıbe almasýǵa múmkindik jasaý.
