Shvetsııada «Evrovıdenıe-2013» baıqaýy bastaldy
ASTANA. 13 mamyr. QazAqparat - Jeksenbi kúni keshke Shvetsııanyń batysyndaǵy Malma qalasynda «Evrovıdenıe-2013» halyqaralyq mýzykalyq baıqaýy bastaldy, dep habarlady Rosbalt.
Osymen 58-shi ret ótetin baıqaýǵa álemniń 39 elinen ánshiler qatyspaq. Eki jartylaı fınal 14-shi jáne 16 mamyrda, al fınal 18 mamyr kúni ótedi. Konkýrs 15,5 myń kórermenge arnalǵan «Malme arena» kópbeıindi kesheninde ótedi.
Aǵymdaǵy jyly baıqaýdyń nyshany - kempirqosaqtyń barlyq túsine malynǵan kóbelek, al urany - «Biz birgemiz» (We Are One). Atalǵan sýret pen uran búkil qalany bezendirip tur. Malma tropıkalyq kóbelekter pavılonyna aınalǵandaı.
Bas júldege úmitkerler qatarynda danııalyq Emılı de Foresttiń esimi atalýda. Ánshi jalań aıaq án salǵandy unatady. Onyń atap ótýinshe, bul oǵan Jerdiń energııasyn sezinýge múmkindik beredi. Ol halyqaralyq baıqaýda da bul ádetinen bas tartpaq emes.
Býkmekerler ekinshi oryndy ýkraınalyq Zlata Ognevıchke qıyp otyr. Ýkraınalyq ánshiniń komandasy sahnalyq tosyn nómir daıyndap otyrǵandyǵy belgili. Al úshinshi oryndy norvegııalyq ánshi Margaret Berger ıelenýi múmkin.
