Shvetsııa jáne Fınlıandııa elshileri Syr óńirinde júr
QYZYLORDA. QazAqparat - Búgin Qyzylorda oblysyna Qazaqstandaǵy Shvetsııa Koroldiginiń Elshisi Hrıstıan Kamıll men Fınlıandııa Elshisi Ilkka Raısanen jumys saparymen keldi, dep habarlady QazAqparat tilshisi oblystyq ákimdikke silteme jasap.
Elshiler aımaqtaǵy birqatar óndiristik nysandardy aralap, Qyzylorda qalasynyń sol jaq jaǵalaý qurylysy jobasymen tanysyp, aımaq basshysymen kezdesti.
Qyzylorda oblysynyń ákimi Qyrymbek Kósherbaevpen kezdesý barysynda óńirdiń ınvestıtsııalyq áleýeti men yntymaqtastyqtyń perspektıvti baǵyttary týraly áńgime boldy. Q.Kósherbaev sheteldik ınvestorlarǵa usynylatyn preferentsııalar men jeńildikter týraly aıtyp berdi.
-Biz árqashanda sheteldik ınvestorlarmen jáne qarjy uıymdarymen yntymaqtastyq baılanys ornatýǵa yntalymyz. Investordyń qosqan úlesi naqty is-qımylmen, atap aıtqanda: óndiris, eńbekpen qamtý jáne jumysshylardy áleýmettik qorǵaý sharalary arqyly baǵalanady,-dep atap ótti oblys ákimi.
Sonymen qatar, osy kúni elshiler ınvestıtsııalyq yntymaqtastyqty damytý jónindegi jıynǵa qatysyp, Qyzylordanyń kórikti jerlerin aralady.
