Shvetsııa jaǵalaýynda eki júk kemesi soqtyǵysyp qaldy
STOKGOLЬM. QazAqparat – Jeksenbiden dúısenbige qaraǵan kúni brıtandyq jáne danııalyq eki keme Shvetsııanyń Istad qalasy men Danııanyń Bornholm aralynyń arasyndaǵy sýda soqtyǵysty. Apat saldarynan kólemi jaǵynan kishirek Karin Hoej danııalyq kemesi aýdarylyp ketken, dep habarlaıdy QazAqparat TT agenttigine silteme jasap.
Apat saldarynan eki adam joǵaldy. Jaǵalaý kúzetiniń habarlaýynsha, bes saǵattan beri olar áli tabylmady. Joǵalǵandardy izdestirýge alty kishi keme, eki saýda kemesi jáne Shvetsııa men Danııa tikushaqtary jumyldyrylǵan. Danııalyq TV 2 telearnasynyń habarlaýynsha, joǵalǵan adamdar aýdarylyp túsken kemeniń ishinde qalǵan bolýy da múmkin.
Apat týraly habar Shvetsııanyń Teńiz ákimshiligine saǵat 04:30-da Scot Carrier brıtandyq kemesinen kelip túsken. Ekıpaj músheleriniń aıtýynsha, olar sýdan shyqqan adamdardyń aıqaıyn estigen. Kemeden rezeńke qaıyq túsirilgen, alaıda borttan túsken adamdar tabylmaı jatyr.
Illıýstratsııalyq sýret