Shvetsııa jaǵalaýynda 500 jyl buryn jasalǵan aǵash qubyjyǵynyń basy tabyldy
ASTANA. QazAqparat - Shvetsııanyń Ronnebı qalasynyń jaǵalaýynda jarty ǵasyrdan astam ýaqyt buryn sýǵa batqan danııalyq kemeniń tumsyǵyn bezendirip turǵan aǵash músin tabyldy, dep habarlaıdy The Local.
Músin qoltyraýyn nemese tisterin aqsıtqan ıtti eske salatyn ańyzdaǵy qubyjyqtyń basy úlgisinde oryndalǵan. Aǵashtan jasalǵan onyń salmaǵy 300 keliden asady. Músin maýsym aıynda anyqtalǵan, biraq ony sýdan tek qazir shyǵarý múmkin boldy.
Mamandar janýar basynyń eldi 1481-1513 jyldar aralyǵynda basqarǵan Hans koroli kezinde sýǵa jiberilgen «Grıbhanden» («Gribhunden») atty danııalyq kemeniń tumsyǵyn bezendirgenin aıtyp otyr. Keme bortynda bolǵan órt saldarynan sýǵa batyp ketti. Aǵash músinniń teńiz túbinde 500-den astam jyl jatqanyna qaramastan, ol óte jaqsy saqtalǵan. Aǵashtan tuz qaldyqtary alynǵan soń, bas Blekınge provıntsııasynyń murajaıyna qoıylady.
