Shvetsııa SІM basshysy: Reseı Ýkraınanyń EO-men qatynastaryn jabý úshin oǵan qarsy saýda soǵysyn bastady

«Reseı Ýkraınanyń EO-men qatynastaryn jabý úshin oǵan qarsy aqyryn saýda soǵysyn bastady ma? Bul óte eleýli máselege aınalýy múmkin».

Reseı kedeni tóńiregindegi qarbalas 14 tamyzda ýkraın kásipkeri Dmıtrıı Fırtash basqaratyn Ýkraına jumys berýshiler federatsııasy Reseı Keden qyzmeti 14 tamyzdan bastap, ýkraındyq ımporttaýshylardy «táýekelder» tizimine engizdi, sóıtip, shyn máninde búkil ýkraın ımportynyń jolyn jaýyp otyr, dep málimdegennen keıin bastaldy,. Reseı úkimetinde jáne keden qyzmetinde bul arada eshqandaı saıasat joq dep sendiredi. «Úkimet qalyptasqan jaǵdaıǵa (reseı-ýkraına shekarasynda) alańdaýshylyq bildiredi, óıtkeni bul saýda-ekonomıkalyq baılanystarǵa áser etedi. Biraq ta bul keden organdarynyń sheshimi, al úkimet deńgeıinde Ýkraınadan keletin ımportty retteý boıynsha eshqandaı sheshim qabyldanǵan joq», - dedi RF úkimetiniń baspasóz qyzmetindegiler. Budan buryn Memlekettik dýmanyń TMD isteri jónindegi komtetiniń tóraǵasy Leonıd Slýtskıı reseı-ýkraın kedeni problemalarynda saıası astar joq dep málimdegen bolatyn. Onyń aıtýynsha, problemalar tóreshildik sózbuıdadan týyndap otyr. Slýtskıı tamyzdyń aıaǵyna deıin eki eldiń keden qyzmetteri barlyq qıyndyqtardy eńseretinine senim artady dep qosty. Slýtskıı problemalar bar ekeni ras, biraq olardy qysqa merzimde sheshýge bolady, dep atap kórsetti.

Ýkraına jumys berýshiler federatsııasy ýkraın taýarlaryna tyıym salynǵany týraly qujatty kórsetti.

Ýkraına premer-mınıstri Nıkolaı Azarov Reseımen saýda qatynastaryndaǵy problemalar Keden odaǵy qurylýymen jáne qurylymdanýymen baılanysty degendi aıtty. Alaıda budan keıin Ýkraına Reseıdiń Sibirinen, Soltústik Kavkazdan jáne Ońtústik Federaldyq okrýgterinen osy aýmaqtarda malda aýsyl indeti taralýyna baılanysty jemazyq pen astyq ımportyna tyıym saldy. Sarapshylar muny Reseıdiń áreketine jaýap retinde qarastyrýda.