Shvetsııa shekarasynda tólqujat tekserý toqtatyldy
ASTANA. QazAqparat - Budan bylaı Shvetsııa shekarasynda kórshi Danııadan avtobýs, poıyz nemese keme arqyly kelgen azamattardyń tólqujaty tekserilmeıdi, dep jazady «Habar 24».
2015 jyly kóshi-qon ahýalyna baılanysty eki el shekarasynda baqylaý engizilgen. Alaıda jergilikti bıliktiń aıtýynsha, ony uzartýdyń esh qajeti joq. Óıtkeni sońǵy ýaqytta elge aǵylǵan mıgranttar sany kúrt azaıdy. Onyń ústine bul halyq úshin de qolaısyz. Sebebi myńdaǵan turǵyn Danııada, al danııalyqtar kerisinshe Shvetsııada jumys isteıdi. Biraq kúndelikti tólqujat tekserý kesirinen eki ortada qatynaý qıyndap ketti.
Saldarynan bireýler jumysyn, endi basqalary turǵylyqty ornyn aýystyrǵan. Esesine endi Shvetsııa bıligi shekaradaǵy baqylaýdy ózge jolmen kúsheıtý sharalaryn qolǵa alyp otyr. Munda kólik nómirlerin avtomatty túrde anyqtaıtyn kameralar ornatylyp, temir tulparlar rengten kómegimen skanerlenedi.
