Shvetsııa NATO-ǵa kirýden bas tartty
ASTANA. QazAqparat - Shvetsııa NATO-ǵa nemese basqa da áskerı alıanstarǵa kirý nıetinde emes. Bul týraly parlamentke shved syrtqy ister mınıstri Margot Valstrem usynǵan koroldiktiń syrtqy saıasat deklaratsııasynyń jańa redaktsııasynda aıtylǵan, dep habarlady «Rossııskaıa gazeta».
«Shved qaýipsizdik saıasaty ózgerissiz qalady, - delingen qujatta. - Áskerı alıanstarǵa qosylmaý el úshin qolaıly jáne soltústik Eýropadaǵy turaqtylyq pen qaýipsizdikke úles qosady. Bul belsendi, keń jáne jaýapty syrtqy saıasatty jáne ulttyq qorǵanys senimdiligin arttyra otyryp, qaýipsizdik saıasatyn kózdeıdi.
Sonymen qatar qujatta qazirgi zamanǵy beıbitshilik pen qaýipsizdikke qaterler koroldikten Shvetsııanyń jeke eldermen de, sondaı-aq halyqaralyq uıymdarmen de yntymaqtastyǵyn talap etedi, dep atap ótilgen. «Shvetsııa eger EO-nyń nemese Soltústik Eýropanyń basqa eli shabýylǵa nemese aýyrtpashylyqqa ushyrasa beıtarap qalady, - delingen qujatta. - Biz bul elder de osyndaı jaǵdaı Shvetsııanyń basynda bolsa, osylaı áreket etedi, dep kútemiz. Sondyqtan da bizdiń elimiz qandaı jaǵdaıǵa da daıyn bolýy tıis». Shvetsııanyń syrtqy saıasat deklaratsııasynda halyqaralyq qatynastardaǵy turaqtylyqty nyǵaıtýdyń negizgi quraly retinde dıalog atalǵan. «Dıalog jáne senimdi nyǵaıtý jónindegi sharalar turaqtylyq pen shıelenisti báseńdetýdiń mańyzdy quraly bolýy tıis», delingen qujatta.
Parlamentte syrtqy saıasat deklaratsııasyn tanystyrý kezinde Koalıtsııalyq partııa men Ortalyq partııasynyń depýtattary Shvetsııanyń NATO-ǵa qosylýy máselesiniń jabylǵanyna kóńilderi tolmaıtynyn bildirdi.Oǵan «Shıelenis ósip otyr jáne qaýipsizdik saıasatyn shaıqaltýǵa bolmaıdy», - dep jaýap qaıtardy Valstrem.
Foto: GLOBAL LOOK press
