Shvetsııa meıramhanasynda atys boldy, qaza tapqandar bar
ASTANA. QazAqparat - Shvetsııa qalasy Geteborgte belgisiz bireýler meıramhanada atys uıymdastyrdy, saldarynan eki adam kóz jumdy, dep habarlady VVS.
Qaza bolǵandar jasy 20-25 aralyǵyndaǵy jastar. Taǵy 15 adam jaraqat aldy.
Bıliktiń derekterine súıensek, shabýyldaýshylar Kalashnıkov avtomatyn qoldandy degen boljam bar.
Polıtsııada oqıǵa qalanyń tynyshsyz aýdanynda oryn alǵanyn anyqtady, sondyqtan jergilikti krımınaldyq bandylar arasyndaǵy kelispeýshilik deýge negiz bar.
Terorrlyq akti degen nusqany bılik joqqa shyǵardy. Kýáger shved SVT telearnasynda eki shabýyldaýshy meıramhanaǵa kelip áı-shaısyz oq jaýdyrǵanyn aıtqan. Osy aýdanda qańtar aınynda da atys oryn alǵan.
«Ne bolǵanyn túsinbeı qaldym. Qarasam, dosym qanǵa boıalyp jatyr. Qolymnan kelgenshe qandy qolymmen toqtatýǵa tyrystym», - dedi aty atalmaǵan kýáger.
Shabýyl kelýshiler fýtbol kórip jatqan kezde bolǵan.
Qarýly er adamdar boı tasalap úlgerdi, polıtsııa aýdandy qorshaýǵa alyp, kisi ólimi boıynsha qylmystyq is qozǵady.
30 qańtarda er adam osy meıramhanada bolǵan atystan jaraqat alǵan bolatyn, bul oqıǵalar bir-birimen baılanysy bar-joǵy ázirge belgisiz.
