Shvetsııa koroli Karl XVI Gýstav jol apatyna ushyrady
ASTANA. QazAqparat - Shvetsııa koroli Karl XVI Gýstav óziniń Drottnıngholm rezıdentsııasynyń mańyndaǵy Nokebıýbrýn kópirinde jol kólik apatyna ushyrady.
Polıtsııanyń aqparatynsha, onyń kóligi ózge avtomobılge soǵylǵan.
"Korol kóligine aıtarlyqtaı zııan tıse de, ózi japa shekken joq", - dep málimdedi korol saraıynyń baspasóz hatshysy Margareta Týrgren.
Kýágerlerdiń aıtýynsha, korol kóliginen óz betinshe shyǵyp, ózge mashınaǵa otyrǵan. Koroldik kortej ary qaraı Brýmma áýejaıyna bet aldy. Josparǵa sáıkes búgin monarh soltústik Shellefteoǵa ushpaq. Onda jergilikti kompanııa ókilderimen kezdesedi.
