Shvetsııa hanzadasy Karl Fılıpp realıtı-shoý juldyzyna úılenbek
ASTANA. QazAqparat - Burynǵy ıoga oqytýshysy jáne realıtı-shoý juldyzy Sofııa Hellkvıst Shvetsııa hanzadasyna - korol Gýstav XVI-nyń jalǵyz uly jáne ekinshi balasy Karl Fılıppke turmysqa shyǵady, dep habarlady Bı-bı-sı.
Buryn Sofııa Hellkvıst sán jýrnaldary jáne basqa da basylymdar úshin sýretke túsken bolatyn. 30 jastaǵy Hellkvıst óziniń ótken ómirine ókinbeıdi jáne onyń aıtýynsha, toıdan keıin qaıyrymdylyq sharalarymen aınalyspaq.
36 jastaǵy Karl Fılıpp óziniń apasy Vıktorııa men onyń kishkentaı qyzy Estelden keıin taqqa úshinshi murager.
Sofııa Hellkvıst birneshe ǵasyrlardan beri Shvetsııanyń koroldik otbasynyń tegi dvorıandyqqa jatpaıtyn alǵashqy múshesi bolǵaly tur.
Stokgolmde ótetin saltanatty Shvetsııanyń jarty mıllıonǵa jýyq turǵyndary men týrısteri tamashalaıtyn bolady.
Sońǵy áleýmettik saýaldamalarǵa qaraǵanda, Skandınavııanyń iri elindegi koroldyq otbasynyń tanymaldyǵy tómendep barady.
