Shvetsııa Eýrokomıssııaǵa kedendik baqylaý engizetini týraly habardar etti
BRıÝSSELЬ. QazAqparat - Shvetsııa Eýropalyq komıssııaǵa Eýroodaqtyń basqa elderimen shekarada ýaqytsha shekaralyq baqylaý engizetinin habarlady. Bul týraly Eýrokomıssııa juma kúni taratqan kommıýnıkede aıtylǵan.
«Eýrokomıssııa keshe shved bıligi oryndarynyń óz shekaralarynda ýaqytsha baqylaý engizý nıeti týraly habarlamasyn aldy. Shekaralyq baqylaý 12 qarashadan 21 qarashaǵa deıin júrgiziletini jarııalandy jáne bul eń aldymen eldiń ońtústigindegi jáne batysyndaǵy keıbir porttarǵa, sondaı-aq Danııa men Shvetsııany jalǵastyratyn Eresýnn buǵazy arqyly ótetin kópirge qatysty», - dep atap ótilgen habarlamada.
Eýrokomıssııa múshe-memleketter arasynda shekaralyq baqylaýdy ýaqytsha engizý shengen kelisiminde qoǵamdyq tártipke nemese ishki qaýipsizdikke eleýli qaýip tóngende erekshe sharalar retinde kózdelgen, dep atap kórsetti.
Shengen kelisimi shekaralyq baqylaýdy ýaqytsha qalpyna keltirýdiń eki múmkindigin kózdeıdi. Kelisimniń 24-baby boıynsha kútpegen jaǵdaılar týyndaǵanda shekarada 10 kúnge jáne 2 aıǵa deıin uzartý múmkindigimen baqylaý ornatýǵa ruqsat beriledi.
Taǵy bir bap kútpegen tótenshe jaǵdaı týyndaǵanda mundaı baqylaýdy 30 kúnge deıingi merzimge jarty jylǵa deıin uzartý múmkindigimen ornatýǵa ruqsat etiledi.
