Shvetsııa EO-daǵy ýrbanızatsııa qarqyny boıynsha kósh bastap keledi
ASTANA. 10 sáýir. QazAqparat - Eýroodaq elderi ishinde ýrbanızatsııa qarqyny eń joǵary el - Shvetsııa. Eýrostat agenttiginiń málimetterine qaraǵanda, 2010 jylǵy eldiń eń tyǵyz qonystanǵan qalalarynda turǵyndar sany myń adamǵa shaqqanda 17,3 adam boldy, dep habarlaıdy reseılk «Jańalyqtar» agenttigi.
Bul kórsetkish qala turǵyndarynyń myń adamǵa shaqqanda 5,21 adamǵa ósýin kórsetetin Eýroodaq boıynsha ortasha kórsetkishten úsh ese artyq. Shvetsııanyń eń jyldam ósip kele jatqan qalalary - Malme (eldiń ońtústigi), Ýmeo (soltústik) jáne Stokgolm. Olardyń halqy jylyna 1 paıyzdan artyq artyp otyr. Malme ósim qarqyny boıynsha Ýtreh (Nıderlandy), Nıkosııa (Kıpr), Braga (Portýgalııa), Oýlý (Fınlıandııa) jáne basqa da birqatar Ispanııa qalalaryn basyp ozdy.
Shvetsııa 2005 jyldan beri EO-da iri qalalar halqynyń sany ósýi jaǵynan kósh bastap keledi. Sonymen qatar ýrbanızatsııa úderisi Irlandııada, Ispanııada jáne Grekııada irkilip qaldy. Shvetsııada 12 qalada 100 myńnan astam adam turady. Sondaı-aq bul el iri qalalarǵa da, aýyldyq eldi mekenderge de jatpaıtyn «aralyq aımaqtar» sany boıynsha da alda keledi.
