Shvetsııa elshisi Qazaqstandaǵy dıplomatııalyq mıssııasyn aıaqtady
ASTANA. QazAqparat - Qazaqstan Respýblıkasy Syrtqy ister mınıstriniń orynbasary Roman Vasılenko Shvetsııa Koroldiginiń Qazaqstan Respýblıkasyndaǵy Tótenshe jáne Ókiletti Elshisi Hrıstıan Kamıllge onyń dıplomatııalyq mıssııasynyń aıaqtalýyna baılanysty «Qazaqstan Respýblıkasynyń qurmet gramotasy» memlekettik nagradasyn tabystady.
Bul týraly QR SІM baspasóz qyzmeti habarlady.
QR Prezıdenti N.Á.Nazarbaevtyń tıisti Jarlyǵynda H.Kamıll Qazaqstan Respýblıkasy men Shvetsııa Koroldigi arasyndaǵy tabysty yntymaqtastyqty damytýǵa sińirgen eńbegi úshin Qurmet gramotasy berilip otyrǵany atap ótiledi.
R.Vasılenko Elshi H.Kamılldiń eki el arasyndaǵy saıası dıalog, ekonomıkalyq ózara is-qımyl jáne mádenı baılanystardy damytýǵa baǵyttalǵan tıimdi qyzmetin basa aıtty.
Elshi H.Kamıll jumys atqarǵan jyldary Rıksdag (shved parlamenti) spıkeri Ý.Alın jáne Shvetsııa Koroldiginiń Aýyl sharýashylyǵy mınıstri S.Býhtyń Qazaqstanǵa resmı saparlary ótkizildi. Eki eldiń syrtqy ister mınıstrleri Q.Ábdirahmanov jáne M.Valstrem ústimizdegi jyly halyqaralyq forýmdar aıasynda úsh ret kezdesti. 2017 jylǵy qańtarda Qazaqstan Respýblıkasy men Shvetsııa Koroldigi BUU Qaýipsizdik Keńesinde birlesken jumysyn bastady jáne búgingi kúni uıymnyń kún tártibi boıynsha qarýdy taratpaý jáne qarýsyzdandyrý máseleleri boıynsha tyǵyz yntymaqtasýda.
Business Sweden - Shved saýda jáne ınvestıtsııalyq keńesiniń qoldaýymen óziniń joǵary tehnologııalyq jáne ınnovatsııalyq ázirlemelerimen tanymal iri shved kompanııalarynyń sapary ótti.
Qazaqstandyqtar shved sýretshisi T.Krabonyń ıadrolyq qarýdy taratpaý jáne qarýsyzdandyrý taqyryby boıynsha Astana, Almaty, Kýrchatov qalalarynda qoıylǵan kórmelerine aıryqsha qyzyǵýshylyq bildirdi. «Astana Opera» Memlekettik opera jáne balet teatrynyń orkestri jáne Shvetsııa Koroldigi kameralyq orkestriniń negizgi dırıjerleriniń biri M.Lıleforstiń jetekshiligimen birlesip uıymdastyrylǵan kontsert tabysty ótti.
H.Kamıll ekijaqty yntymaqtastyqty nyǵaıtýǵa qosqan úlesin joǵary baǵalaǵany úshin Qazaqstan Respýblıkasynyń basshylyǵyna jáne birqatar ortaq is-sharalardy ótkizýge yqpal etip, Shvetsııa Koroldiginiń Elshiligimen nátıjeli ózara is-qımyly úshin syrtqy saıası vedomstvoǵa alǵys bildirdi.
