Shvetsııa azamaty óziniń týǵan kúnin toılaý úshin 1800 lıtr alkogol satyp aldy
ASTANA. Qańtardyń 25-i. QazAqparat - Shvetsııa soty birneshe myń lıtr alkogoldi ishimdikter kontrabandasy úshin aıyptalǵan er adamdy aqtady. Kúdik bildirilgen jigit onyń Germanııadan ákelgen ishimdikteri óziniń týǵan kúnine oraı ótkiziletin keshke arnalǵanyn dáleldeı bildi,
dep habarlaıdy QazAqparat Lenta.rý saıtyna silteme jasap.
Kedenshiler 20 jasar jigittiń 1600 lıtr syrasyn, 30 lıtr kúshti spırtti ishimdikterin, 50 lıtr álsiz alkogoldi gazdandyrylǵan ishimdikterin, 12 lıtr sharabyn jáne 48 lıtr kúshti sıdra ishimdigin tárkilegen bolatyn. Munyń bárin ol el aýmaǵyna júk máshınesiniń qorabyna tıep ákelgen.
Bılik ókilderi jigitten ishimdiktermen alyp-satarlyqpen aınalysady dep kúdiktengen, alaıda ol óziniń týǵan kúnin toılaý úshin júz qonaq shaqyratynyna jáne ishimdikterdiń qonaqtarǵa arnalǵanyna sýdıalardyń kózin jetkizdi. Sot oǵan tárkilengen alkogoldi alyp ketýine ruqsat etti.
