Shvetsııa astanasynda Nobel syılyǵy tabystaldy
ASTANA. QazAqparat – Shvetsııa koroli Karl XVI Gýstav Stokgolm fılarmonııasynda 5 nomınatsııa boıynsha 11 laýreatqa Nobel syılyǵyn tabys etti. Bul týraly QazAqparat tilshisi TASS agenttigine silteme jasap habarlaıdy.
Fızıologııa jáne medıtsına boıynsha shved bıology Svante Pebý laýreat atandy. Ol «joıylyp ketken gomınıdterdiń genomy men adam evolıýtsııasy salasyndaǵy jańalyqtary» úshin Nobel syılyǵyn ıelendi.
Al fızıka baǵytynda frantsýz Alen Aspe, amerıkalyq Djon Klaýzer men avstrııalyq Anton Tsaılıngerdiń jańalyǵy úzdik dep tanyldy. Olar «shyrmalǵan fotondarmen júrgizilgen tájirıbeler, Bell teńsizdiginiń buzylýyn dáleldeý jáne kvanttyq aqparat teorııasyndaǵy ozyq zertteýler» úshin Nobel syılyǵynyń laýreaty atandy.
Hımııa boıynsha atalǵan syılyqty «klık-hımııa jáne bıoortogonaldy hımııany damytýǵa baǵyttalǵan jumystary» úshin amerıkalyq Kerolaın Bertotstsı men Barrı Sharpless jáne dat ǵalymy Morten Meldal ıelendi.
Sonymen birge ádebıet baǵytyndaǵy Nobel syılyǵyn frantsýz jazýshysy Ennı Erno aldy.
Ekonomıka boıynsha AQSh-tyń Federaldyq rezerv júıesiniń burynǵy basshysy Ben Bernanke jáne qos amerıkalyq Dýglas Daımond pen Fılıp Dıbvıg laýreat atandy. Olarǵa syılyq «bankter men qarjy daǵdarysyn zertteý» jumysy úshin buıyrdy.
