Shvetsııa 80 myńǵa jýyq mıgrantty jer aýdartyp jibermek
ASTANA. QazAqparat - Shvetsııa bıligi 80 myńǵa jýyq mıgrantty Sırııa men Aýǵanstanǵa jer aýdartyp jibermek, dep habarlady Sputnik agenttigine Shvetsııa ІІM basshysy Andres Egemannyń baspasóz hatshysy.
Buǵan deıin Egeman el úkimetiniń bosqyndar máselelerimen aınalysatyn polıtsııa men bılikten elge 2015 jyly kelgen jáne pana berilmegen 80 myńǵa deıin mıgrantty elden shyǵarýdy suraǵanyn málimdedi. Onyń aıtýynsha, bul protsess birneshe jylǵa sozylýy múmkin.
ІІM-niń málimetterinshe, ózderine bosqyndar dárejesin berýge ótinish bildirgen mıgranttar bılik sheshimin ózderine arnaıy bólingen turǵyn keshenderinde kútedi, sondaı-aq úkimet olarǵa kólemi ázirge atalmaıtyn járdemaqy tóleıdi. Vedomstvonyń ókili sondaı-aq bosqyndardy tasymaldaý úshin charterlik ushaqtar paıdalanylatynyn atap ótti, dep jazady RIA Novostı.
Halyqaralyq kóshi-qondy uıymdastyrý uıymynyń málimetterinshe, jańa jyldyń alǵashqy 26 kúniniń ózinde Eýropaǵa teńiz jolymen 47 myńnan astam mıgranttar men bosqyndar kelgen. 2015 jyly eýropalyq jaǵalaýǵa 1 mıllıon 11 myń 712 adam kelip jetken. Eýrokomıssııa álemdegi qazirgi kóshi-qon daǵdarysynyń Ekinshi dúnıejúzilik soǵys ýaqytynan beri eń iri ekenin málimdedi.
