Shvartseneggerdiń uly kınodaǵy birinshi úlken rólin somdaıdy
ASTANA. QazAqparat - Gollıvýdtyń tanymal akteri Arnold Shvartseneggerdiń uly Patrık kınoda birinshi úlken rólin somdaıdy. Ol japondyq «Tún ortasyndaǵy kún» (Midnight Sun) dramasynda bas róldi oınamaq, - dep jazady Deadline.
Túsirilimdi bastaý 2015 jyldyń qyrkúıegine josparlanyp qoıǵan. Fılmniń rejısseri - Skott Spır. «Tún ortasyndaǵy kún» fılmi sırek kezdesetin genetıkalyq aýrý: teriniń kún kózine úlken sezimtaldyǵyna ushyraǵan jas áıel týraly baıandaıdy. Sıýjet boıynsha, bas keıipker áıel mýzykamen jubanyp, túngi ýaqytta gıtarada oınap, án aıtady. Bir kúni ol ónerin kópshilikke pash etýdi usynǵan jas adamdy keziktiredi.
21 jastaǵy Patrık Shvartsenegger búginde úsh fılmge túsip úlgergen: «Qosalqy oıynshylar» (2006), «Mahabbat áýresi» (2012) jáne «Klastastar 2» (2013). Osy kartınalardyń barlyǵynda ol epızodtaǵy rólderdi somdaǵan.
