Shvartsenegger úndilik «Robot-2» fılmine shaqyryldy, onyń birkúndik túsirilimine 500 myń dollar tólenbek
ASTANA. QazAqparat - Gollývýdtyń aty ańyzǵa aınalǵan akteri Arnold Shvartsenegger Úndistanda tanymal rejısser Shankardyń «Robot-2» atty shytyrman oqıǵaly fılmine túsedi. Kartınada ol zulym adam bolyp oınaıdy.
Akter túsirý alańyndaǵy bir kúndik jumysyn 500 myń dollarǵa baǵalady. Kartınany jasaýshylar oǵan 15 mıllıon dollar tóleýge daıyn, sebebi Shvartseneggerdiń qatysýymen túsiriletin fılmniń tabysqa jetetinine senimdi.
Arnoldtiń Úndistanǵa 2015 jyldyń jeltoqsanynda keletini shamalanyp otyr.
«Robot-2» fılminiń premerasy 2016 jyldyń sońyna josparlanǵan.
Onyń birinshi bólimine án salyp, bı bılep, tóbelese alatyn Chıttı roboty arqaý bolady. Budan basqa, robottyń sý men otqa tóze alatyn qasıeti bar. Sıýjet boıynsha, oǵan adam emotsııalarynyń eliktegishin qosqanda, robot qatty ózgeredi.
