Shvartsenegger «Termınator-5» fılminde taǵy da basty rólge oralady
ASTANA. 23 qańtar. QazAqparat - Arnold Shvartsenegger «Termınatordyń» besinshi bóliminde qaıtadan basty rólderdiń biri - T-1000 rólin somdaıdy. Bul týraly akter onlaın-konferentsııa barysynda The Sun basylymyna habarlady.
Ýtro.rý habarlaǵandaı, Arnold Shvartsenegger «Termınatordan» basqa, «Egizder» komedııasynyń jalǵasyna túspek nıette. Fılmniń alǵashqy bólimi 1988 jyly ekranǵa shyqqan, onda Shvartsenegger men Dennı de Vıto aǵaıyndylardy oınaıdy.
Arnold Shvartsenegger saıası mansabyna baılanysty on jyldyq úzilisten keıin kınoǵa qaıta oraldy. 2003 jyly ol Kalıfornııa shtatynyń gýbernatory bolyp saılanǵan bolatyn.
