Shvartsenegger gýbernatorlyq qyzmet oǵan 200 mıllıon dollarǵa túskenin málim etti
ASTANA. 17 qańtar. QazAqparat - Kalıfornııanyń burynǵy gýbernatory Arnold Shvartsenegger avstrııalyq Krone gazetine bergen suhbatynda,
shtat turǵyndarynyń ıgiligi úshin atqarǵan jumysy oǵan 200 mıllıon dollarǵa túskenin málim etti.
Onyń aıtýynsha, eger ol gýbernator bolǵan jyldary gollıvýdtyq kınofılmderge túskende, dál osynsha tabys tapqandaı eken.
«Biraq eshnársege ókinbeımin», - deıdi Shvartsenegger myrza.
Eks-gýbernator sondaı-aq, osy jumystyń saldarynan otbasyna da az ýaqyt bólýge májbúr bolǵanyn aıtqan. Degenmen, kalıfornııalyqtardyń kópshiligi Shvartseneggerdiń jumysyna kóńilderi tolmaı otyr: ol shtatty bankrottyq jaǵdaıdyń aldynda qaldyrdy, deıdi olar.
