Shujyqtan tyshqan etin taýyp alǵan aryzdanýshy sotta dáleldep shyqty
ASTANA. QazAqparat - Reseıdiń Irkýtsk qalasynyń turǵyny ótken jylǵy qarashada sýpermarketterdiń birinen satyp alǵan pisirilgen shujyqtan tyshqannyń aıaǵyn taýyp, óndirýshini sotqa bergen. Sot bir jylǵa sozylyp, talapkerdiń paıdasyna sheshildi, dep habarlady rusnovosti.ru.
Birneshe tilim shujyqty jegen er adam ónimnen tyshqannyń aıaǵyn tapqan. Satyp alýshy ony dúkenge aparyp, dúkenshi ónimniń aqshasyn qaıtaryp bergen. Alaıda, buǵan kóńili kónshimegen ol ónimdi zertteýden ótkizý úshin Irkýtsk oblysynyń «Rospotrebnadzor» mekemesine júgingen. Uıym sarapshylary ónimnen ishek ınfektsııasy qozdyrǵyshynyń DNK-syn tapqan. Sodan keıin aryzdanýshy jaýap berýshiden 100 myń rýbl óndirip alý talap aryzymen sotqa júgingen. Alaıda sýdıa talap etilgen somany tym kóp dep eseptep, ótemaqy tólemin 30 myń rýblge deıin qysqartty.
