Shýsha qalasy Ázerbaıjannyń mádenı astanasy bolyp jarııalandy

BAKÝ. ÁZERTADJ-QazAqparat - Ázerbaıjannyń Shýsha qalasy eldiń mádenı astanasy dep jarııalandy, dep habarlaıdy QazAqparat ÁZERTADJ agenttigine silteme jasap.

Shýsha Ázerbaıjannyń qoǵamdyq-saıası ómirinde mańyzdy ról atqaratyn tarıhı-mádenı ortalyqtardyń biri bolǵan. 1977 jyly Shýshanyń tarıhı bóligi tarıhı-arhıtektýralyq qoryq dep jarııalandy. Sonyń nátıjesinde qaladaǵy tarıhı eskertkishterdi qorǵaý jáne mádenıet jáne óner qaıratkerleriniń esimin este saqtaý maqsatynda mańyzdy qadamdar jasaldy.

Degenmen, 1992 jylǵy 8 mamyrdan 2020 jylǵy 8 qarashaǵa deıin Shýsha Armenııa qaramaǵynda boldy.

Búgin, 7 mamyr kúni Ázerbaıjan prezıdenti Ilham Álıev Shýshany mádenı astana dep jarııalaý týraly arnaıy qaýlyǵa qol qoıdy.

«Shýshanyń ázerbaıjan halqy úshin tarıhı-mádenı jáne rýhanı mańyzy zor, sondyqtan qalaǵa erekshe qamqorlyq kerek. Osy rette Shýshadaǵy memlekettik jáne quqyqtyq retteýdi ári qaraı jetildire túsý shahardaǵy tarıhı-mádenı eskertkishterdi qalpyna keltirip, saqtaý ǵana emes, ony ári qaraı damytýǵa jaǵdaı jasaıdy» delingen qaýlyda.