Shuńqyrǵa qulaǵan Pavlodar turǵyny oqıǵa ornynda kóz jumdy
PAVLODAR. QazAqparat - Pavlodardaǵy úlken kósheniń jaıaý júrginshilerge arnalǵan jolynda shuńqyrǵa túsip ketken er adam odan shyǵa almaı, úsip óldi, dep habarlaıdy «QazAqparat» HAA tilshisi.
«Oqys oqıǵa Qamzın kóshesindegi 106-úıdiń aldynda bolǵan. Polıtsııa qyzmetkerleri barǵanda er adamnyń denesi tereńdigi 2,5 metr shuńqyrda jatqan. Sot-medıtsına saraptamasynyń qorytyndysyna sáıkes, onyń ólimine organızminiń tutastaı tońýy sebep bolǵan», - deıdi Pavlodar polıtsııasyndaǵylar.
38 jastaǵy Evgenıı Ilınniń denesi 16 jeltoqsan kúni shamamen 12:50-de qalanyń úlken kósheleriniń birinen tabylǵan. Onyń úısiz adam bolmaǵany belgili. Er adamnyń mas kúıde bolǵan-bolmaǵany toksıkologııalyq saraptamanyń nátıjelerinen keıin anyq bolady. Instagramda qalalyqtarǵa qaýipti shuńqyr týraly eskertetin vıdeo tarady.
