Shuńqyrda qatyp qalǵan pavlodarlyqtyń isi boıynsha tergeýshi jazalanýy múmkin
ASTANA. QazAqparat - Sýyqta qatyp qalǵan pavlodarlyqtyń isin tergeý jumystarynyń talapqa saı júrgizilmegeni úshin ІІD men prokýratýra qyzmetkeri aıyptalýy múmkin, dep habarlaıdy QazAqparat Pavlodar oblystyq prokýratýrasyna silteme jasap.
Osy máselege baılanysty jarııalanǵan málimetterde 2017 jyldyń 16 jeltoqsany kúni er azamattyń denesiniń tabylýyna baılanysty isti qalalyq ishki ister basqarmasy QR QK-niń 279 baby, 1 tarmaǵy boıynsha (sáýlet, qala qurylysy jáne qurylys salalary boıynsha normatıvter men talaptardy jáne erejeni buzý) tergegendigi aıtylady.
«Іshki ister organynyń ókilderi qylmystyq quqyqbuzýshylyqty jasaǵan adamnyń jeke tulǵasynyń anyqtalmaýyna baılanysty 2018 jyldyń 30 qańtarynda qajetti tergeý áreketterinsiz sotqa deıingi tergeý jumystarynyń merzimin buzý týraly sheshim qabyldaǵan. Atalǵan qaýlynyń kúshin prokýratýra 7 naýryz kúni joıyp, ol boıynsha tıisti mindet júktelip, protsessýaldy prokýror taǵaıyndaldy. Jiberilgen kemishilikter men zańsyz protsessýaldyq sheshim úshin tergeýshige qatysty tártiptik óndiris qozǵaldy»,-dep habarlady vedomstvonyń baspasóz qyzmeti.
Buǵan qosa osy isti anyqtaýmen aınalysqan prokýratýra qyzmetkeri jazalandy.
«Tergeý jumystaryn oblys prkýratýrasy qolǵa aldy»,-dep habarlady vedomstvo ókilderi.
Aıta keteıik, oqıǵa Palodar qalasynyń Kamzın kóshesinde №106 úı aldynda boldy.
Polıtsııa ókilderiniń habarlaýynsha, er azamattyń máıiti 2,5 tereńdiktegi shuńqyrda jatqan. Sot-medıtsınalyq saraptama qorytyndylaryna sáıkes, azamat sýyqtan qatyp qalǵan. 38 jastaǵy Evgenıı Ilınniń denesi 16 jeltoqsanda saǵat 12-50-de tabylǵan. Onyń qańǵybas emes ekeni belgili boldy.
