Shúmenovtiń bapkeri kelesi qarsylasy týraly tosyn málimdeme jasady

- Beıbit óz mindetin tamasha atqardy. Birinshi raýndta baýyrynan soqqy berdi, tóreshi ony nokdaýn dep eseptedi. Osydan keıin ol jekpe-jek boıy qarsylasyn qyspaqqa alyp, onyń áreket etýine múmkindik bermedi. Shúmenov óte jaqsy daıyndaldy, sondyqtan ol jigittiń jeńetin múmkindigi bolǵan joq. Tóreshiniń aıqasty toqtatqanyn ózderińiz kórdińizder.

- Shúmenov bastapqy raýndtarda qarsylasyna jaqsy soqqylar berdi, biraq túrik boksshysyn sońyna deıin soqqylamaýy birtúrli kórindi.

- Bul boks, Beıbit bárin durys jasady. Ol jaqsy jumys istedi, únemi korpýstan shabýyldady, keıin túrik boksshysy toqtap qaldy.

- Bokstyń aldynda qandaı nátıje kúttińizder? Nokaýtty qaı raýndta bolady dep oıladyńyzdar?

- Beıbit jekpe-jektiń ekinshi jartysynda jeńedi dep oıladym. Sebebi, túrik - jaqsy jigit.

- Bul aıqas Beıbit Shúmenovtiń sol deńgeıge oralýǵa daıyn ekendigin kórsetti. Úlken jekpe-jekterge qashan shyǵasyzdar?

- Iá, kelesi jekpe-jekte onyń qarsylastary myqty bolady dep oılaımyn. Aldaǵy ýaqytta Ýsık - Gassıev aıqasynyń jeńimpazymen kezdesip qalýymyz múmkin. Biz oǵan daıyndalyp, tek alǵa umtylamyz.