Shúmenov aıtqan jaıt maǵan da belgili - Marat Mázimbaev
«Beıbit Shúmenov aıtqan jaıt maǵan da belgili. Árbir boks keshinen keıin boksshylarǵa, tóreshilerge, jekpe-jekti uıymdastyrýǵa qatysy bar basqa adamdarǵa aqy tóleý qajet. Federatsııanyń ózi de osy sekildi tólemaqylarmen kún kórip otyr. Árıne, bul promoýterler úshin múlde tıimsiz. Ózim de osyndaı jaǵdaılarǵa tap bolǵanmyn. Ondaı kezderi ózimdi ustaýǵa tyrysatynmyn. Bul óte qıyn jaǵdaı», - deıdi Marat Mázimbaev.
Eske sala keteıik, ústimizdegi jyldyń basynda kásipqoı rıngke oralǵan Shúmenov Qazaqstanda boksty, sonyń ishinde kásipqoı boksty damytýǵa kúsh salatynyn málimdegen bolatyn. Ol úshin elde kásipqoı boks keshterin kóptep ótkizý qajettigin aıtyp, tipti Astanada boks mektebin ashý týraly josparymen de bólisken.
Jýyrda Astanada ótken boks keshinde túrkııalyq Hıznı Altýnkaıany jeńip, birinshi aýyr salmaqta WBA beldigin ıelendi.
Al jekpe-jek aldynda ony uıymdastyrýdaǵy qarjylyq qıyndyqtardy aıtyp, óz qarjysynan 500 myń dollardan astam qarajat jumsaýǵa týra kelgenin málimdegen edi.