Shúmenov-Altynkaı aıqasy: Taǵy bir qazaqstandyq boksshy nokaýtpen jeńdi
Alǵashqy raýndta qarsylastar bir-biriniń ańdysyn ańdyp, shappa-shap judyryqtasýdan saqtanǵandaı kórindi. Alaıda raýnd aıaqtalmaı turyp, reseılik bir nogdaýn alyp qaldy. Túpkilikti nokaýttan Reseı boksshysyn soǵylǵan gong qutqardy.
Birinshi raýndta alǵan aýyr soqqy reseılikti úreılendirip qoısa kerek. Ekinshi raýndta kóbinese qazaq boksshysynan qashyp júrip judyryqtasty. Al Edil óz kezeginde ýaqytty sozbaı qarsylasyna tap bergen edi. Qazaq boksshysynyń shalt qımyly ári aýyr soqqysy reseılikti asa elirtken joq. Búıir tusynan soǵylǵan soqqy kezdesýdiń núktesin qoıdy.
Edil Qojamberdıev kásipqoı bokstaǵy tórtinshi jeńisine jetip otyr. Al Beloshepkın óziniń ómirindegi 28 jeńilisin qarsy aldy.
Eske sala ketsek, budan buryn Shúmenov - Altynkaı kezdesýiniń alǵashqy anderkartynda qazaq boksshysy ári ánshisi Ibragım Eskendir reseılik qarsylasyn nokaýtqa jibergen bolatyn.