Shúlbidegi órt bir adamnyń ómirin qıyp ketti, 25 adam evakýatsııalandy - ShQO
ÓSKEMEN. QazAqparat - Keshe keshkisin Shyǵys Qazaqstan oblysyndaǵy Shúlbi kentinde kóp qabatty úıde órt boldy, dep habarlaıdy QazAqparat Shyǵys Qazaqstan oblysy TJD baspasóz qyzmetine silteme jasap.
4-qabattaǵy páterden býdaqtap shyǵyp jatqan tútindi kórgen kórshiler shuǵyl órt sóndirý bólimine qońyraý shalǵan. Oqıǵa ornyna 3 mınýt ishinde kelip jetken órt sóndirýshiler janyp jatqan páterde es-tússiz kúıde jatqan úı ıesin syrtqa shyǵardy. Onyń tamyr soǵysy bolmaǵandyqtan tiriltý amaldaryn jasaǵan, alaıda kelip jetken aýyldyq feldsher 1972 jyly týǵan erkektiń kóz jumǵanyn anyqtady.
Órt sóndirýshiler tútin basqan úıden turǵyndardy tezdetip syrtqa shyǵardy. Barlyǵy 25 adam, onyń ishinde 4 bala evakýatsııalandy.
Boljam boıynsha, órt otty abaısyz paıdalaný jáne mas kúıde temeki shegýden bolǵan.
Aıta keter bolsaq, oblys boıynsha jyl basynan beri órt kezinde 12 adam qutqarylǵan, 28 adam kóz jumdy, 340 adam evakýatsııalandy.
