Shúlbi sý qoımasynda qaıyqtan qulaǵan er adam qutqaryldy

ÓSKEMEN. QazAqparat – Shyǵys Qazaqstan oblysyndaǵy Shúlbi sý qoımasynda qaıyqtan qulaǵan er adam qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 20 tamyz kúni qutqarýshylarǵa Shúlbi sý qoımasynda qaıyqtan qulap ketken er adamnyń óz betimen sýdan shyǵa almaı jatqandyǵy jaıly habar túsken.

«Oqıǵa ornyna birden №40 órt sóndirý bóliminiń qyzmetkerleri men tótenshe jaǵdaılar kezinde birlese áreket etý jaıly kelisim aıasynda «AES Shúlbi sý elektr stansasy» JShS jumysshylary kelip jetti. Olar 31 jastaǵy azamatty sýdan shyǵaryp, jaǵaǵa jetkizip tastady. Onyń densaýlyǵyna eshqandaı zaqym kelmegen», - dep habarlady vedomstvo ókilderi.

Osy rette, TJD óńir jurtshylyǵyna sý aıdyndarynda qaýipsizdik erejelerin qatań saqtaý qajettigin eskertti.