Shúlbi SES-i shtattyq rejımde jumys isteýde
SEMEI. QazAqparat - ShQO sý elektr stantsııalary kóktemgi sý jiberý jumystaryna daıyndyq júrgizýde. Osyǵan baılanysty qala ákimi Ermak Sálimovtiń basshylyǵymen Shúlbi sý elektr stantsııasynda jumys tobynyń otyrysy ótti. Bul týraly QazAqparat Semeı qalasynyń aqparattyq ortalyǵyna silteme jasap habarlaıdy.
Kezdesý barysynda mamandar SES shtattyq rejımde jumys istep jatqanyn jetkizdi. Sý jiberý jumystary erejeler men normalarǵa sáıkes júrgizilip jatyr.
«Búginde sý muzdy ózdigimen buzýda. Іri muz kesekteriniń azdyǵy keptelisterdi boldyrmaıdy .Biraq, buǵan qaramastan, biz barlyq jaǵdaılarǵa daıynbyz», - dedi qala ákimi.
Kezdesýge qatysýshylardyń málimdeýinshe ózendegi muz qatqan joq. Qazir mamandar muzdyń qalyńdyǵy men qurylymyn taldaýda. Sý deńgeıi 250 sm/ 450. Ertis ózeniniń monıtorıngi kún saıyn júrgizilýde.
«Jaǵdaı baqylaýda. Búgingi kúni sý basý qaýpi joq. Árıne, muz júrý kezinde keptelis paıda bolýy múmkin problemalyq ýchaskeleri bar. Bul Semııar aýylynyń aýdany. Qaýipti jaǵdaı naýryz aıynyń sońynda nemese sáýirdiń bas kezinde oryn alýy múmkin. Eger qajet bolsa TJD jarylys jumystaryn júrgizý boıynsha sheshim shyǵaratyn bolady», - dedi "Ertis basseındik ınspektsııasy" RMM basshysy Qazymbek Baımaǵambetov.
Mamandar oblystaǵy sý stantsııalaryna kóktemgi tabıǵatty qorǵaýǵa baǵyttalǵan sý jiberý kezinde aýyr júk túsetinin aıtty. SES-da jóndeý jumystary aıaqtalyp, stantsııalardyń barlyq jabdyqtary daıyn bolýy kerek. Atap aıtqanda, Shúlbi SES-i gıdroagregattary kúrdeli jóndeý jumystarynan ótti. Eki gıdrostantsııada (Shúlbi jáne Óskemen) bógettiń qaýipsizdigi týraly deklaratsııa bar. Bul SES-i senimdi paıdalaný jaǵdaıynda ekenin bildiredi.
Aıta keteıik, naýryzdyń úshinshi onkúndiginde komıssııa otyrysy ótip, sý jiberýge daıyndyq aktisine qol qoıylady.
