ShUǴYL: Zúlfııa Qytaıdan tórt kúnnen keıin qaıtyp keledi - Qaırat Turlyhanov
ASTANA. 23 qazan. QazAqparat - Zúlfııa Chınshanloǵa baılanysty shyqqan shýǵa oraı Qazaqstan aýyr atletıka federatsııasynyń prezıdenti «Alaman» sport agenttigine arnaıy suhbat berdi.
Federatsııa basshysy: « Maıa Maneza men Zúlfııa Chınshanlo Qytaıǵa týysqandaryna ketken edi. Maneza qazir elge qaıtyp keldi. Al Zúlfııa 27 qazan kúni oralýy tıis. Ushaqqa bıleti sol kúnge belgilengen. Qytaılyq basylymdaǵy aqparat jalǵan», - dep túıindedi.
Esterińizge sala keteıik, Qytaıdyń «Sohu.com» aqparattyq saıtynyń búgingi sanynda Zúlfııa Chınshanlonyń Qytaıǵa qaıta oralyp, 2016 jylǵy Olımpıadaǵa Qytaıdyń atynan shyǵýǵa nıetti ekendigi jazylǵan bolatyn.
