ShUǴYL: «Juldyzdar otbasy. Ańyz adam» jýrnalynda QR Konstıtýtsııasyn buzýshylyq anyqtaldy
ASTANA. QazAqparat - QR Baılanys jáne aqparat agenttigi «Juldyzdar otbasy. Ańyz adam» jýrnalynyń sáýir aıynda jaryq kórgen nómirine qatysty málimdeme jasady.
«Jýrnaldyń mazmunynda Qazaqstan Respýblıkasynyń Konstıtýtsııasy men zańnamasyn buzýshylyq, atap aıtqanda áleýmettik, ulttyq, rýlyq, násildik nemese dinı arazdyqty qozdyrý (QR Qylmystyq kodeksiniń 164-baby) belgileri bar.
Atalǵan fakti boıynsha Agenttik tıisti sharalar qabyldaýda», dep jazylǵan QR Baılanys jáne aqparat agenttiginiń baspasóz habarlamasynda.
Baspasóz qyzmetiniń habarlaýynsha, basylymynyń sáýir aıyndaǵy nomeriniń kóp bóligi Adolf Gıtler tulǵasynyń jan-jaqty qyrlaryn jáne fashıstik ıdeologııany aqtap alýǵa arnalǵan.
Atap aıtqanda, «Gıtler fashıst emes» degen taqyryppen shyqqan materıaldarda jýrnalıst Naǵashybaı Esmyrza ultshyl-sotsıalısterdiń kóshbasshysyn aqtap qana qoımaı, sonymen birge, mátin ashyq túrde ksenofobııalyq sıpatta berilgen.
«Maın kampf - bul kitap ne týraly?» degen taqyryptaǵy basqa materıalda avtorlar Gıtler kitabyn talqylaıdy.
Jýrnal Jarylqap Qalybaıdyń redaktorlyǵymen shyǵarylǵan.
