ShUǴYL: Jerorta teńizindegi iri krýız kemesiniń apaty - qurbandar bar
ASTANA. 14 qańtar. QazAqparat - Italııa jaǵalaýyndaǵy Jerorta teńizinde qaıyrǵa turyp qalǵan «Kosta Konkorda» krýızdik kemesinde bolǵan oqıǵa saldarynan kem degende alty adam mert boldy, dep habarlaıdy CNN. Buǵan deıin qaza tapqan eki adam týraly habarlanǵan bolatyn.
Qurban bolǵandar sany kóp bolýy múmkindigi atap ótildi, sebebi, kóptegen jolaýshylar apattan keıin borttan sekire bastaǵan.
Qazirgi kezde kemedegi qutqarý operatsııasy jalǵasýda. Apatqa ushyrap jatqan kemede osy ýaqytta shamamen 300 adam qalyp otyr.
Káýgerlerdiń aıtýynsha, keıbir jolaýshylardyń ólimi olardyń kemeden teńizge sekirýi barysynda sýdyń soqqysynan bolýy múmkin. Budan bólek, kemeni qutqarý keýdeshelerisiz tastap ketýge árekettengender de boldy. Bul týraly RBK habarlady.
Esterińizge sala keteıik, ıtalıandyq «Kosta Konkordıa» krýızdik kemesi qum qaırań saıaz jerge 13 qańtar kúni jergilikti ýaqyt boıynsha saǵat 10 shamasynda Djılo aralyna jaqyn jerge otyryp qaldy. Qolda bar málimetter boıynsha, soqqy kezinde kemeniń korpýsy búlinip, qısaıǵan. Apat kezinde onyń bortynda 3200-ge jýyq jolaýshy men myńnan astam ekıpaj músheleri boldy.
«Kosta Konkordıa» kemesi 2005 jyly salyndy. Onda 1,5 myń kaıýta, bes meıramhana jáne tórt basseın bar. Kemeniń qurylysy shamamen 450 mln. eýroǵa baǵalanýda.
