ShUǴYL: Jergilikti bıýdjetten beriletin 65 áleýmettik tólemniń ekeýi ǵana qalýy múmkin
Bul týraly búgin QR Eńbek jáne halyqty áleýmettik qorǵaý mınıstrliginiń alqa májilisinde belgili boldy.
Azamattardyń jekelegen sanattaryna áleýmettik kómek kórsetý júıesin jetildirý 2016 jylǵa deıin úsh kezeńge josparlanǵan. Jalpy respýblıka boıynsha áleýmettik tólemder jergilikti bıýdjet qarajaty esebinen alýshylardyń elýden astam sanaty men tobyna tólenip keldi. Alýshylardyń sanatynyń sany, al jekelegen jaǵdaılarda olardyń quramy óńirler boıynsha erekshelendi. Jergilikti bıýdjet qarajaty esebinen áleýmettik kómek kórsetýmen qamtýdaǵy eleýli erekshelikter oblystar arasynda jáne bir óńir aıasynda baıqalady.
Sondaı-aq jergilikti bıýdjet qarajaty esebinen áleýmettik kómek kóptegen áleýmettik tólem túrinde berilgen. Jalpy respýblıka boıynsha jergilikti bıýdjet qarajatynan áleýmettik tólemniń alpystan astam túri tólenedi.
Júrgizilgen jumys nátıjesinde jumys toby áleýmettik kómek júıesin jergilikti deńgeıde ońtaılandyrý jóninde usynymdar ázirledi. Birinshisi - áleýmettik kómek alýshylardyń negizgi sanattaryn qoldanystaǵy zańnamaǵa sáıkes retke keltirý. Ekinshisi - áleýmettik kómek túrlerin ońtaıly qysqartý jáne tártipke keltirý. ıAǵnı, taǵaıyndalatyn 65 áleýmettik tólem túriniń ornyna eki túrli áleýmettik tólem engizý usynyldy. Atap aıtqanda, merekelik jáne ataýly kúnderge, sondaı-aq azamattardyń jekelegen sanattaryna qalalyq qoǵamdyq kólikte júrýge áleýmettik tólemder (Astana jáne Almaty qalalary úshin) jáne ómirlik qıyn jaǵdaı týyndaǵandaǵy áleýmettik kómek.
Joǵaryda kórsetilgen usynystardy iske asyrý úshin 2012 jyldan bastap barlyq oblystarda áleýmettik kómek kórsetý qaǵıdalaryn oblys aıasynda bir sanatqa jatatyn alýshylar úshin merekelik jáne ataýly kúnderge áleýmettik kómektiń birkelki mólsherin belgileý bóliginde sáıkestikke keltirý jumystary bastaý aldy.
Jalpy azamattardyń jekelegen sanattaryna áleýmettik tólem berýdi ońtaılandyrýdyń jańa tetigin engizý úshin 4 qanatqaqty óńir belgilengen - bul Astana qalasy, Shyǵys Qazaqstan, Qostanaı jáne Pavlodar oblystary.
Qazirgi kezde mınıstrlik Áleýmettik kómek kórsetýdiń, mólsherin belgileý jáne muqtaj azamattardyń jekelegen sanattarynyń tizbesin aıqyndaýdyń úlgilik qaǵıdalarynyń jobasyn ázirleýde.
