ShUǴYL: Jerge qatysty jaldaý shartyn buzý arqyly sottan tys jer ýchaskeleri májbúrlep alynýy múmkin
ASTANA. 28 aqpan. QazAqparat - Jerge qatysty jaldaý shartyn buzý arqyly sottan tys jer ýchaskeleri májbúrlep alynýy múmkin. Bul týraly búgin Májiliste «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda málim boldy.
Qujatty tanystyrǵan Óńirlik damý mınıstrligi, jer resýrstaryn basqarý komıtetiniń tóraǵasy Qadyrhan Otarovtyń aıtýynsha, zań jobasy Memleket basshysynyń tapsyrmasyn oryndaý maqsatynda ázirlengen. Bul rette jer kodeksine tıisti ózgerister usynylady.
«Atap aıtqanda, jer ýchaskeleri sharýa nemese fermer sharýashylyǵyn júrgizý úshin berilgen josyqsyz jer ýchaskeleri menshik ıeleri men paıdalanýshylardyń ortalyqtandyrylǵan derek qoryn júrgizý qarastyrylady. Budan bólek, alynǵan sátten bastap 2 jyl ishinde turǵyn úı qurylysy nemese ózge de qurylysqa arnalǵan jer ýchaskelerin tıisti maqsattarǵa paıdalanbaǵan jaǵdaıda eskertý jasaý ınstıtýtyn joıý kózdeledi. Budan bólek jalǵa berýshi men jaldaý shartyn buzý arqyly sottan tys tártippen jer ýchaskelerin májbúrlep alyp qoıý qarastyrylady»,-dedi Q. Otarov.
