ShUǴYL: Jer silkinisiniń oshaǵyna halyqaralyq makroseısmıkalyq otrıad attandyryldy

Bul jaıly Seısmıkalyq ınstıtýttyń dırektory Tańatqan Abaqanov málimdedi.

«Úsh kún buryn jer silkinisi  boıynsha  Qazaqstan ǵalymdarymen qoıan-qoltyq jumys isteýge Qytaıdan bir top ǵalymdar kelgen bolatyn. Tańerteń 8.30-da Qazaqstan men Qytaı ǵalymdarynan quralǵan halyqaralyq makroseısmıkalyq otrıad Kókpek kentinde jáne Kókpek asýynyń janyndaǵy oshaǵynyń qasyndaǵy zilzala oshaǵyna jiberdim. Ol qıraǵan, búlingen úıler bolyp qalsa onyń qandaı dárejesin anyqtaýǵa jáne jer qyrtysynyń ózgeristerin tekserýge arnalǵan ekspedıtsııa», - deıdi T. Abaqanov. Qazaqstan bas seısmologynyń aıtýynsha, tańǵy saǵat 10-da zilzala oshaǵyna Seısmologııalyq ınstıtýttyń seısmologııalyq ádistemelik ekspedıtsııasy men Tótenshe jaǵdaılar mınıstrliginiń «Boljaý» mekemesi birlesken taǵy  3 makroseısmıkalyq otrıad attandyrylǵan. Qazir ınstıtýttyń  boljamdyq komıssııa ǵalymdary bul jer silkinisiniń ary qaraı damý jaǵdaıyn tekserý úshin jedel túrde jumys istep jatyr.