ShUǴYL: Jazıra Japparqul qazaq qyzdary arasynda aýyr atletıkadan alǵashqy Álem chempıony atandy
ALMATY. 16 mamyr. QazAqparat - Búgin Gvatemalanyń Antıgýa qalasynda aýyr atletıkadan 20 jasqa deıingi jastar arasyndaǵy Álem chempıonatynda Jazıra Japparqul Álem chempıony atandy.
QR Sport isteri jáne dene shynyqtyrý agenttiginiń Ulttyq shtattyq komandalar jáne sport rezervi dırektsııasynyń baspasóz hatshysy Ardaq Toǵymovtyń habarlaýynsha, 10 mamyrda jalaýy kóterilgen bul dúbirli doda 18 mamyrda aıaqtalady. Oǵan dúnıejúziniń 52 elinen 440 sportshy qatysýda. Olardyń 250-i - erler, 190-y qyzdar arasynda baq synaýda. Onda Qazaqstan namysyn qorǵaýdy bapkerler erler arasynda - 2, qyzdar arasynda 2 atletke senip tapsyrǵan bolatyn. Olardyń arasynan 69 kelige deıingi Jazıra Japparqul julqa kóterýde 106 kelini, al serpe kóterýde 133 kelini baǵyndyryp, qossaıystyń qorytyndysy boıynsha (239 kg) álemniń eń úzdik atleti atandy.
