ShUǴYL: «Jaýjúrek myń bala» fılminiń alǵashqy kórsetiliminen 1 mln. dollarǵa jýyq qarjy jınaldy
ALMATY. 8 mamyr. QazAqparat - Aqan Sataevtyń Jaýjúrek myń bala fılminiń 3-6 mamyr aralyǵyndaǵy alǵashqy kórsetiliminde 147 mln. 600 myń teńge jınaldy.
Sháken Aımanov atyndaǵy «Qazaqfılm» AQ-nyń baspasóz qyzmetiniń habarlaýynsha, bul otandyq kıno óndirisindegi rekordtyq kórsetkish bolyp otyr. Qazir respýblıkadaǵy kınoteatr ókilderi fılmniń memlekettik tildegi nusqasyna qosymsha tapsyrystar berýde. Sháken Aımanov atyndaǵy «Qazaqfılm» AQ bastapqyda kınoteatrlarǵa fılm nusqalarynyń 70 paıyzyn qazaq tilinde, al 30 paıyzyn orys tilinde usynǵan bolatyn. Alaıda olardyń «negizgi kórermenderimizdi joǵaltyp alýymyz múmkin» degen kúdiginen keıin, fılmniń 30 danasy orys tilinde jáne 21 danasy qazaq tilinde daıyndalǵan edi. Qazir onyń qazaq tilindegi qosymsha taǵy 6 danasy daıyndalyp jatyr.
