ShUǴYL: Jańaózenniń burynǵy ákiminiń ústinen sot úderisi bastaldy - Aqtaýdaǵy sot zalynan
AQTAÝ. 25 mamyr. QazAqparat - Aqtaýda Jańaózenniń burynǵy ákimi Oraq Sarbópeevtiń ústinen sot úderisi bastaldy.
Ol 100 mln.-nan astam teńge senip tapsyrylǵan bireýdiń qarajatyn jumsady jáne qyzmettik babyn asyra paıdalandy dep aıyptalýda.
Atap aıtqanda, O. Sarbópeevke Jańaózendegi munaıgaz salasyndaǵy qyzmetkerlerge jáne halyqtyń áleýmettik-ekonomıkalyq qoldaýyna bólinetin qarajatty jymqyrdy dep aıyp taǵylyp otyr.
2011 jyldyń 16 jeltoqsanynda Jańaózende jáne 17 jeltoqsanda Mańǵystaý oblysynyń Shetpe stansasynda jappaı tártipsizdik oryn aldy, sonyń saldarynan Jańaózende 64 adam oqpen jaraqattanyp, 14-ýi kóz jumdy. Shetpe stansasynda oryn alǵan oqıǵanyń barysynda 11 adam jaraqattanyp, 1-ýi mert boldy. Sondaı-aq 40 polıtsııa qyzmetkerleri dene jaraqatyn aldy.
